Wie je ook bent, welkom in de kerk van Burdaard-Wânswert-Jislum 

'---------------------------------------------------------------------------------------  

                       Sietze de Boer 40 jier (ein-)redakteur

Op 1 maart oansteande mei Sietze de Boer de dei betinke dat hy fjirtich jier ferlyn mei it redaksjewurk begûn. De jubilaris hat it folgjende dêrby oantekene. Yn 1980 oerkrigen fan de lêste dûmny dy’t yn Wânswert/Jislum stien hat, J. Smit. Dy gemeente hie doe it tsjerkekrantsje KLANKBORD. Dat is yn 1988 oergien yn TSJERKEBLÊD, mei elkoar op wei, in útjefte fan Herfoarmd en Grifformeard Burdaard, Reitsum en Herfoarmd Wânswert. Doe krige hy ek de funksje fan einredakteur. Eltse gemeente hie doe in tal siden ta harren foldwaan yn dat blêd mei in rubryk algemien, fêstlein yn in reglemint. Yn maaie 2004 ûnstie de PKN en wie der gjin sprake mear fan Herfoarmd en Grifformeard. De foarkant fan it blêd is yn jannewaris 2011 fernijd, it logo fan de PKN is op ‘e foarkant kaam ynstee fan fjouwer tsjerken. It wie yn it earstoan sa dat alle kopij skreaun oanlevere waard. Dat de einredakteur gie as boadskiprinner alve kear yn it jier dêrmei nei de drukker yn Ferwert. Dat is oant no ta altyd sa bleaun. De ûntwikkelingen fan ,eamel’adressen [Email] hat makke dat de kopij no oanlevere wurdt mei de elektronyske post. En de oantal siden foar eltse gemeente is al lang ferlitten. It formaat A5+, moai en hânsum joech wolris romte foar blêdfolling. Dat sadwaande is der jierren ferlyn troch him oppere om der neist ien as oar artikel út oare blêden oer te nimmen ek bibelske opjeften te pleatsen yn ûnderskate foarmen, puzels, fragen, kryptoanagrammen en wat kryptyske omskriuwingen. As wolris in gedicht. Sa mar wat trochgean? De measte minsken ha gjin idee wat foar wurk hjirfoar dien wurde moat. En as wy dan lêze: 32 jier 11 kear nei Ferwert riden… dan is dat útrekkene 9 km x 2 x 11 x 32 = 6336 km. En dan ha wy it noch net oer it tal puzels en gedichten, betocht troch himsels. De Boer, fan herte lokwinske mei dit jubileum! Wy binne tankber en bliid dat jo dit wurk noch altiten dwaan wolle. In grut TANKJOWOL is dan ek wol op syn plak. 

De tsjerkeried fan de Prot. Gemeente Burdaard-Wânswert-Jislum